Negeseuon
yr Wythnos

Mae'r Clwb Cynnar ar agor yn ddyddiol o 08:15

 

► Llythyr diweddaraf y Pennaeth 24/Ebr

 

Dydd Llun 27/04/26

• Casglu bagiau Bag2School - bore
• Cyfarfod Teams Ysgol Gyfan gyda'r Cyngor Ysgol
• Nofio i flwyddyn 5 (bore)
• Beirniadu Celf a Chrefft yr Urdd - os ydych wedi cofrestru yn barod - dewch â'ch cynnyrch at Mrs Buddug Davies heddiw
  
  

Dydd Mawrth 28/04/26

• Ymarfer Cerddorfa 8:45yb
• Ymarfer criced i fl.3a4
  3:30-4:30yp

 

Dydd Mercher 29/04/26

• Gwasanaeth ysgol gyfan
• Clwb Darllen amser cinio
• Clwb yr Urdd i fl.1,3a4
  3:30-4:30yp
• Ymarfer Cân Actol
  3:30 - 4:30yp
  

 

Dydd Iau 30/04/26

• Gŵyl Rygbi Tag y Scarlets (bl.6 bore)
• Nofio i flwyddyn 3 (prynhawn)

 

Dydd Gwener 01/05/26

• Dim neges
• Bydd yr ysgol ar gau ddydd Llun ar gyfer Gŵyl y Banc ddechrau Mai

 

 

LAWRLWYTHIADAU

• Crynodeb o'n Cwricwlwm
• Derbyniadau Ysgol
• Adroddiad Arolwg ESTYN

Gair o groeso gan y Pennaeth

Croeso i chi i dudalennau gwefan Ysgol Gymraeg Aberystwyth. Dyma ysgol Gymraeg benodedig gyntaf Cymru a sefydlwyd yn 1939 gan Syr Ifan ab Owen Edwards. Saith o blant oedd yn yr ysgol yn y dyddiau cynnar ond bellach mae’r ysgol wedi tyfu i tua pedwar cant o ddisgyblion. Daw’r disgyblion atom o dref Aberystwyth ac o’r ardaloedd gwledig cyfagos.
Tyfodd yr ysgol yn gyson yn ystod yr wythdegau a’r nawdegau wrth i mwy a mwy o rieni weld gwerth mewn addysg Gymraeg. Mae yna gynnydd sylweddol yn y nifer o rieni di-Gymraeg sy’n danfon eu plant i’r ysgol wrth iddynt weld manteision dwyieithrwydd.

 

Mae’r Llywodraethwyr mewn cydweithrediad ag Awdurdod Addysg Ceredigion wedi cydweithio’n glòs i sicrhau adeilad addas ac adnoddau pwrpasol er mwyn diwallu’r cynnydd yn niferoedd y disgyblion. Mae yna 14 o athrawon a phymtheg o gynorthwywyr yn gweithio yn yr ysgol. Mae’r tîm yn frwdfrydig ac yn gweithio’n galed i godi safonau a gwella’r ysgol yn barhaus.
Ymfalchïwn yn safonau cyrhaeddiad uchel yr ysgol, ac mae’r ystod eang o weithgareddau allgyrsiol hefyd yn bwysig inni, gyda disgyblion yn profi llwyddiant mewn amrywiol feysydd o eisteddfodau’r Urdd i fyd chwaraeon.

 

Ein nod yw datblygu’r plentyn cyfan a chreu awyrgylch ddiogel, hapus a Chymreig – “fel y cadwer i’r oesoedd a ddêl y glendid a fu”. Darllenwch ymlaen am ragor o wybodaeth, ac er mwyn cael rhyw flas o fwrlwm yr ysgol brysur hon.

 

Mr Gareth James