Negeseuon
yr Wythnos

Mae'r Clwb Cynnar ar agor yn ddyddiol o 08:15

► Bwydlen ginio

► Newyddion

► Llythyrau

► Calendr

 

-----------------------

► Llythyr diweddaraf y Pennaeth 18/Gor

 

Dydd Llun 14/07/25

  • 1:15 - 1:45yp - Cyfarfod i groesawu rhieni a disgyblion newydd mis Medi y Meithrin - GOHIRIO TAN DDYDD MERCHER

Dydd Mawrth 15/07/25

  • Gwibdaith haf Bl.1a2

 

Dydd Mercher 16/07/25

  • Gwibdaith haf Blwyddyn 4

 

Dydd Iau 17/07/25

 

Dydd Gwener 18/07/25

  • Diwrnod ola'r tymor
  • Gwasanaeth ffarwelio Blwyddyn 6 yn y bore, parti ffarwelio yn y prynhawn
  • Does dim Gwener Gwibio heddiw (beiciau, sgwteri ayyb)
  • Ysgol yn cau ar gyfer gwyliau'r haf. Bydd y tymor newydd yn cychwyn i blant ar ddydd Mercher 3ydd o Fedi (diwrnodau hyfforddiant staff ar y 1af a'r 2ail)

 

 

LAWRLWYTHIADAU

Gair o groeso gan y Pennaeth

Croeso i chi i dudalennau gwefan Ysgol Gymraeg Aberystwyth. Dyma ysgol Gymraeg benodedig gyntaf Cymru a sefydlwyd yn 1939 gan Syr Ifan ab Owen Edwards. Saith o blant oedd yn yr ysgol yn y dyddiau cynnar ond bellach mae’r ysgol wedi tyfu i tua pedwar cant o ddisgyblion. Daw’r disgyblion atom o dref Aberystwyth ac o’r ardaloedd gwledig cyfagos.
Tyfodd yr ysgol yn gyson yn ystod yr wythdegau a’r nawdegau wrth i mwy a mwy o rieni weld gwerth mewn addysg Gymraeg. Mae yna gynnydd sylweddol yn y nifer o rieni di-Gymraeg sy’n danfon eu plant i’r ysgol wrth iddynt weld manteision dwyieithrwydd.

 

Mae’r Llywodraethwyr mewn cydweithrediad ag Awdurdod Addysg Ceredigion wedi cydweithio’n glòs i sicrhau adeilad addas ac adnoddau pwrpasol er mwyn diwallu’r cynnydd yn niferoedd y disgyblion. Mae yna 14 o athrawon a phymtheg o gynorthwywyr yn gweithio yn yr ysgol. Mae’r tîm yn frwdfrydig ac yn gweithio’n galed i godi safonau a gwella’r ysgol yn barhaus.
Ymfalchïwn yn safonau cyrhaeddiad uchel yr ysgol, ac mae’r ystod eang o weithgareddau allgyrsiol hefyd yn bwysig inni, gyda disgyblion yn profi llwyddiant mewn amrywiol feysydd o eisteddfodau’r Urdd i fyd chwaraeon.

 

Ein nod yw datblygu’r plentyn cyfan a chreu awyrgylch ddiogel, hapus a Chymreig – “fel y cadwer i’r oesoedd a ddêl y glendid a fu”. Darllenwch ymlaen am ragor o wybodaeth, ac er mwyn cael rhyw flas o fwrlwm yr ysgol brysur hon.

 

Mr Gareth James